தொடுதிரை வசமான
விரல்கள்
நகக் கணுக்களில்
அழுக்கு படா
வெளிறிய வேலை கொஞ்சம்
பற்கள் தெரிந்தால்
சிரிப்பு
அது கோணலாய் இறுகிய
இதழ்கள்
மேற்கத்திய கலாச்சாரம்
மேலை நாட்டு உடுப்பு
பருகுவதற்கு பழரசம்
உண்பதற்கு பீட்சா
நாகரிக கொழுப்பிற்கு
இரையாகின்றன
பண்பாட்டுச் சோற்றுப்
பருக்கைகள்
எட்டு முழம் கட்டினால்
வராத நாகரீகம்
கைக் குட்டைத்
துணியில்
வருவதில் என்ன
மதிப்பு
காசிருந்தால் சட்டத்தையும்
விலைக்கு வாங்கும்
திமிரிடம் தோற்கின்றன
தேவதைகளின் நீதி!
எதிர்வரும் இன்னுமோர்
உலகினில்
ஆரியம் திராவிடம்
மாறலாம்
அற்பர்கள் வீணர்கள்
கற்பிக்கலாம்
பண்பாடு தொலைந்து
போய்விடில்
மனிதம் எங்கிருந்து
மீட்டெடுக்கப்படும்??
என்னுடைய சொந்தப் படைப்பே இது..வலைப்பதிவர் திருவிழா-2015 மற்றும்
தமிழ்இணையக் கல்விக்கழகம் நடத்தும் மின்தமிழ்
இலக்கியப்போட்டிகள்-2015 க்காகவே எழுதப்பட்டது.இதற்கு முன் வெளியான
படைப்பல்ல, முடிவு வெளிவரும் வரை வேறு இதழ் எதிலும்
வெளிவராது-கார்த்திகா AK
தமிழ்இணையக் கல்விக்கழகம் நடத்தும் மின்தமிழ்
இலக்கியப்போட்டிகள்-2015 க்காகவே எழுதப்பட்டது.இதற்கு முன் வெளியான
படைப்பல்ல, முடிவு வெளிவரும் வரை வேறு இதழ் எதிலும்
வெளிவராது-கார்த்திகா AK
““நாகரிக கொழுப்பிற்கு இரையாகின்றன
ReplyDeleteபண்பாட்டுச் சோற்றுப் பருக்கைகள்“““
அருமையான சொற்பிரயோகம்.
போட்டியில் வெற்றிபெற வாழ்த்துகள்.
நன்றி.
எட்டு முழம் கட்டினால்
ReplyDeleteவராத நாகரீகம்
கைக் குட்டைத் துணியில்
வருவதில் என்ன மதிப்பு
super